Akademia e Shkencave e Shqipërisë, e themeluar më 1972, është institucioni më i rëndësishëm shkencor në Republikën e Shqipërisë. Ajo përfshin shkencëtarë nga më të shquarit, akademikë, të cilët zhvillojnë veprimtari shkencore në institute dhe qendra kërkimore, si dhe organizma të tjerë shkencorë brenda dhe jashtë vendit. Akademia ka 26 anëtarë, akademikë; 13 anëtarë, akademikë të asociuar dhe 26 anëtarë nderi.


Akademia ka dy seksione: Seksionin e Shkencave Shoqërore dhe Albanologjike dhe Seksionin e Shkencave Natyrore dhe Teknike. Në strukturën e saj përfshihen gjithashtu, Njësia e Projekteve të Kërkim-Zhvillimit Teknologjik e Inovacioneve, Dega e Marrëdhënieve me Jashtë dhe me Publikun, Biblioteka Shkencore dhe Botimet.


Prononcim i Prof. dr. Remzi Nesimi, anëtar i KNGJSH. Klikoni për të lexuar tekstin e plotë...

 


Në vijim të sensibilitetit të lartë publik në lidhje me spektaklin kulturor që do të organizohet në qendër të Parkut Arkeologjik të Apolonisë si dhe për kujdesin që duhet treguar ndaj monumenteve, një ekip i Akademisë së Shkencave i kryesuar nga Akademik Muzafer Korkuti, Kryetar i Akademisë bёri njё vizitё nё Parkun e Arkeologjik të Apolonisё  ku dha edhe njё deklarim pёr mediat. Klikoni për të lexuar më shumë...


Nё datёn 10 qershor 2014, Prof. Felix Unger, President i Akademisё Europiane tё Shkencave dhe Arteve, bёri njё vizitё nё Shqipёri, ku ndёr tё tjera realizoi njё takim nё Akademinё e Shkencave. Nё takim merrnin pjesё Akademik Muzafer Korkuti, Kryetar i Akademisё, Akademik Gudar Beqiraj, N/Kryetar i Akademisё, Akademik Anastas Angjeli.

Nё kёtё takim, u vlerësua bashkëpunimi i deritanishëm, qё afron shkencёtarёt dhe studiuesit e Akademive Anёtare nё funksion tё shfrytëzimit optimal tё mundësive dhe ndërmarrjeve tё pёrbashkёta. Bashkёpunimi shkencor ka edhe njё rёndёsi tё madhe nё kontekstin integrimit tё vendit tonё, si dhe tё rajonit tonё nё zonёn evropiane si nё planin shkencor edhe politik dhe ekonomik. Nё kёtё sens, akademikёt bёhen ambasadorё tё njё misioni tё rёndёsishёm.

Prof. Felix Unger pritet tё marrё titullin “Doctor Honoris Causa” nga Universiteti Mesdhetar i Tiranёs nё njё ceremoni qё zhvillohet pёr nder tё tij nё 11 qershor 2014.

Klikoni për të parë foto nga takimi